返嚟坐下

哇，又成个月冇update我既blog喇，冇变，忙嘞嘛。

话咁快就到咗十二月，咁又一年喇，多几个星期又话过年，衫又未买，屋又未执，点过年喔？点解乜都未做？埋就系因为要返工咯。星期一至五，人哋做朝九晚五，我就朝九晚六，加上搭车即时间，返到屋企都成八点啦，边度有时间shopping。拜六礼拜唔系冇时间，只不过一个礼拜难得有得休息，梗要瞓番下觉啦，如果唔系我就枉为千年烂瞓猪咯。况且，拜六礼拜出街就好似自愿做沙丁鱼咁，除非啲铺一开你就到啦，如果唔系到最尾都只系window shopping,买唔到嘢就不如喺屋企o抖。

隔咗成个月先update少少嘢，其实我都唔想，但系实在冇咁多既时间对住辐射咁高既mon，而且屋企张凳又唔舒服，坐耐啲我都邓张凳觉得可怜，有钱既话都应该买番张新既。迟啲等我得闲既时候会慢慢补返之前既故仔，唔会俾条渠隔得太大，跌到你地就唔好啦。自从上次俾条猪执导既殃及池鱼事件之后，我都冇乜响公司上自己既blog，更加冇乜开msn嘞。而且又有少少忙加少少慢，避免再次成为池中鱼，而家我已经跳上屋顶做只雀，有乜事就拍翼松人。

近排发觉自己好似越来越唔识中文，讲啲华语都冇嗮啲zh ch sh r，危险危险，有时间都要吟下诗练习下。好啦，写住咁多先，系时候继续开工……