冇棕食之神经错乱

你识唔识包棕？有冇试过亲自包棕，但系之后系冇份食既？如果有，咁你应该好清楚我既感受。当然，包棕既同时我都预咗系要请人食既，只不过从来都冇念过一日不在家，屋企人都唔会留返只俾我。今年我妈有包两次棕（系两次，端午节一次，前几日又一次），但系我总共食咗四只都冇！全因我妈太大方咗…… T.T 拿出嚟讲，大家或者会认为我小题大做，但系试諗諗，咁小事佢地都做唔到，以後都唔方會顾我感受啦。冇棕食系小事，但系着紧人哋多过自己既女，系你都唔爽啦。一只棕就可以睇得出你既地位咯。尤其是系当你肚既鼓打到就快烂既时候，一心諗住有嘢食，到头来只系一场空，耳仔听着人哋讲“食其他既咯”，对眼又望住人哋既嘴讲“抵死，冇得食”，自己既嘴就会走出一句“得人家咾”……

今朝落好大水，搞到我差啲瞓唔醒。好彩阿妈会叫醒我，如果唔系就一定会迟大到。等车既时候睇到一只野狗，突然之间，我觉得佢好可怜。佢成身湿嗮，喺路上行嚟行去，俾车hon嚟hon去。我哋做人虽然要读书返学，返工搵食，但点讲都算有嘢做啦。但系啲狗呢？有人养就话啫，就算日日坐喺度都唔怕三餐不饱。冇人养个啲野狗，终日流浪，有时諗落，又真系唔知为乜。突然间醒起我屋企只狗，连个正式啲既名都冇，成日就系叫佢“wou wou”。仲要成日困喺屋企既后巷，真系唔知是福抑是祸。其实我屋企人都养过好多只狗跟猫（冇错，系佢地养既，因为我从嚟冇打理佢地，最多系同佢地玩啫。）啲猫同啲狗既名都系跟佢地既外表嚟按，例如黄仔，肥仔，黑仔，花仔；阿dog,wou wou……特别啲既就系我最系既狗-阿Jit,而同佢生到好似但系系mini size既那条，就叫做阿Jet。 阿，差啲唔记得，有条猫因为好吵，所以我哋就叫佢做“曹操”。 =D

都无计点解明明讲紧棕，无啦啦又讲到狗。无所谓啦，今日暂时写到呢度。